Сатја Александар Давитков

Сатја Александар Давитков (2002, Скопје) е студент по Молекуларна биологија со генетика на Природно-математичкиот факултет при УКИМ, Скопје. Средно образование завршил на Државниот музички училиштен центар, во Штип, на отсекот за Пијано. Негова поезија е застапена во „Ново раѓање на зборот: антологија на млада македонска поезија“ (прир. Весна Мојсова- Чепишевска и Иван Антоновски, ПНВ Публикации, 2023), Списанието „Тригер” (Култура Бета- Публикации, 2025), објавувана на платформата „Култура Бета“, на уметничката инсталација “Никулци” во Дом на млади - Штип. Негови есеи се објавени на “Средношколски размислувања 4”. Учествувал на „Поетска епизода #1“ и „Отскочна даска #2“. Покрај пишувањето поезија, компонира и свири на пијано.