Даниела Спироска

Даниела Спироска е книжевен преведувач и професор по англиски јазик од Охрид. Дипломирала на Филолошкиот факултет „Блаже Конески“ во Скопје на катедрата за англиски јазик и литература. Нејзиниот преведувачки труд опфаќа преводи на проза и поезија од еминентни светски автори, меѓу кои: „Поезија“ од Дилан Томас, „Понеделник или вторник“ од Вирџинија Вулф „Писарот Бартлби, приказна од Волстрит“ од Херман Мелвил, „Жолтата тапета“ од Шарлот Перкинс Гилман, „Вештерката Лоис“ од Елизабет Гаскел, „Книга за чајот“ од Какузо Окакура, „Ќерката на времето“ од Џозефин Теј, „Врзана за ветрот“ од Африк Мекглинчи. Покрај препевите и преводите од англиски на македонски, таа активно преведува современа македонска поезија и проза на англиски јазик за меѓународни публикации, антологии и реномирани фестивали. На англиски јазик има преведено книги поезија од повеќе македонски автори, меѓу кои Славе Ѓорѓо Димоска, Јулијана Величковска, Весна Ацевска и други. Ја има преведено и монографијата на охридскиот сликар Јордан Манасијески. Преведува и од хрватски и српски јазик.