Милена Сиљаноска

Милена Сиљаноска (1997) е поетеса и уредник во Издавачки центар ТРИ. Таа е дипломиран професор по општа и компаративна книжевност. Има објавувано поезија и проза во „Современост“, „Зенит“, „Литературни искри“, во студентскиот весник „In medias res“, на „Окно.мк“ и „Медуза“. Во 2012 година добива награда на литературен конкурс организиран од Дата ПЕСНОПОЈ – Битола, кои ѝ ја објавуваат стихозбирката „Ако имаш време“ како дел од едицијата „Гласини“. Во 2023 година го доби признанието „Антев златник“ од Меѓународната поетско-културна манифестација „Анте Поповски – Антево перо“, за поетскиот ракопис „Болопадание“. На Меѓународната поетска манифестација „Антево слово“ нејзината песна „Ако имам уште еден час со тебе“ беше второнаградена. Во своите ракописи опфаќа повеќе егзистенцијални и клучни теми – за времето, судбината, животот, смртта, религијата и Бог и самата смисла на постоењето. „Ронлива“ е нејзин прв роман објавен во 2024 година. Во моментов ја подготвува својата стихозбирка „Куќичка на дрво не е дом“.