Саранда Мехмеди

Саранда Мехмеди е родена 1997 година во Кичево, Северна Македонија. Студирала Општа и компаративна книжевност на Филолошкиот Факултет „Блаже Конески“ во Скопје каде што моментално ги продолжува студиите на втор циклус. Пишува и преведува поезија. Препејувач е на Ацо Шопов на албански јазик. Нејзините препеви се објавени во Лирскиот Дом на Ацо Шопов (acosopov.com), „Шопов, гледачот во пепелта“, избор на песни на осум јазици (СВП, 2023) и „Пронајди збор“ студентски преводи на поезијата на Шопов (ФЛФ, 2024). Исто така е преведувач од македонски на албански јазик на антологијата „Очите на вечерта“ на Меѓународниот поетски фестивал „Денови на Наим“ (2023) Има објавено една збирка песни „Поиесис“ (2021), двојазично издание објавена на албански и македонски јазик од издавачката куќа Сигмапрес од Скопје. Учествувала во различни меѓународни поетки фестивали како „Струшките вечери на поезијата“ (2022), „100 Илјада поети за промена“ (2022), „Денови на Наим“ (2023) и „Скопски поетски фестивал“ (2024). Нејзините песни се објавени на различни книжевни списанија како „Хејза“, „Е-лит“ и „Книжевни елементи“. Нејзината песна „Паѓање“ е преведена на Јапонски јазик од Јасухиро Јотсумото и е објавена во поетското списание „Бигл“ во Јапонија (2022).