Кон романот Скаменето време, добитник на Европската награда за литература во 2012.
Во романот „Скаменето време“ на Ана Ким уметноста мудро се бори со катастрофата. Зачудувачки е како постојано во поплавата од објавени книги се појавуваат дела што ви се обраќаат толку непосредно, што ќе се заплашите. И не само во однос на темата, туку и во стилот, композицијата, во слободата на ритамот. Тоа се книги какви што на времето посакуваше Франц Кафка, книги што бодат, болат. Нема сомнеж дека сето ова важи и за романот на Ана Ким „Скаменето време“, бидејќи тука толку суверено се поврзуваат потресните љубовни приказни со војната во Косово, бидејќи како со сврдел текстот прашува која е положбата на умрените во нашиот живот, бидејќи ги изнесува традицијата и ритуалот како зандана и како убава, утешителна потпора, бидејќи ги доближува суеверието и раскажувањето едно до друго. (…) Временска приказна што оживува, и тоа е заслуга на романот.
Ролф Есиг, Нирнбергер Нахрихтен
На еден опуштен исто толку стручен колку и поетичен јазик на Ана Ким ѝ успева уште на првите страници на својата книга да ги постави големите човечки прашања. Како се конструира идентитет? Дали е вистински, како што сугерира прашалникот, јасно измерен? Дали навистина се состои од пол, возраст, болест, облека, извештаи на сведоци и случајни средби? Што останува од човекот, кога тој повеќе не е релано присутен? Кога ќе се разлее, ќе се преточи во акти, документи и Анте-мортем-прашалници? (…) Ана Ким со својата нова книга прикажува впечатлив текст и нашла адекватен јазик како за ужасите на војната така и за радостите и грижите на секојдневието.
Герхард Претинг, ОРФ
Има многу ужас во книгата на Ким, но и многу љубов. Темелно истражена, јазично амибиционирана книга, која обработува една тема што досега се избегнуваше во австриската литература.
Бихершау
Ана Ким прикажува едно искуство што му е познато секому кој љуби: времето во кое сме одделени од љубениот ни се чини бледо и празно, да, дури повремено ни се чини и како да застанало. Ким го пренесува ова егзистенцијално и речиси секојдневно искуство до една екстремна ситуација.
Никол Штрајтлер, Фалтер.
Ана Ким (1977) е австриска писателка родена во Јужна Кореја. Студирала философиja и театарски студии во Виена. Авторка е и на проза и на поезија. Добила многу писателски стипендии и награди. Има објавено три романи.
