Афоризмите на Живко Павлов ги потврдуваат имагинацијата и дарбата на овој наш автор. Тоа се густи асоцијативни сплетови, згустени мисловни и метафорички комплекси, брилијантни досетки… Овие вонвременски мали ремек-дела, напишани пред речиси петнаесет години, и денес звучат актуелно и воопшто не ја изгубиле својата сила и смисла.
Живко Павлов (1940) е македонски афористичар, автор на првата книга афоризми и епиграми по Втората светска војна во Македонија – „Пладневни кукурикања“, објавена во 1969 година. Изборот со кој го претставуваме овде е направен од неговата книга „Македонска поетска пародија“, објавена во 2000 година.
Кој ти е на чело, ќе ти се качи и на главата!
Многу возачи ни гинат по патиштата, но затоа сообраќајот ни е жив.
[divider top=”no”]Прегладнетиот човек во ѓеврекот гледа – ореол!
[divider top=”no”]Нема смисла на човек кој цел живот држел говори да му се оддава почит со едноминутно молчење.
[divider top=”no”]Мода која никогаш нема да одумре е – како да се сочува сопствената кожа!
[divider top=”no”]Ние отсекогаш сме имале славно минато, неизвесна сегашност и редовно – светла иднина!
[divider top=”no”]Во нашата земја „најлудата ноќ“ обично продолжува со будалаштини во текот на целата година!
[divider top=”no”]За разлика од црквата, државата своите верници мора да ги плаќа.
[divider top=”no”]Дури и кога ќе составиме крај со крај, забележуваме дека сме добиле нула.
[divider top=”no”]Во дизајнот на новите наши банкноти ќе беше сосема прикладно ако се најдеше и ликот на некој наш истакнат СТЕЧАЕН РАБОТНИК.
[divider top=”no”]Нашата држава е повеќе од правна, значи е – поправна.
[divider top=”no”]Ние живееме без пари, но и тоа има своја цена.
[divider top=”no”]Глуво доба: никој никого не слуша!
[divider top=”no”]Тутуноберачите се опеани. Тутунодерачите ќе ни останат неопеани.
[divider top=”no”]Има луѓе кои умеат да се прилагодат на секој општествен растур-систем.
[divider top=”no”]Во Македонија сигурно ќе има предвремени избори на… убавици.
[divider top=”no”]Чудо на природата: половина граѓанин, половина малограѓанин.
[divider top=”no”]Политиката не е за секого. Тоа ќе ви го каже секој од оние три-четворица Македонци кои не се занимаваат со политика.
[divider top=”no”]Политичарите се луѓе кои мудро одбиваат да бидат народ!
[divider top=”no”]Цел живот нè толчат со успеси – неуспесите ќе нè дотолчат.
[divider top=”no”]
