Жан Анри Гастон Жиро (Jean Henri Gaston Giraud, 1938-2012) е француски стрип-цртач. Освен како Жан Жиро, светска слава стекна и како Мебиус (Moebius), а под псевдонимот Жиро (Giraud) најчесто ги потпишувал уметничките цртежи и корици на стрип-албумите. Под псевдонимот Мебиус се јавува како автор на научнофантастични и фантази-стрипови, а се занимавал и со цртање на синопсиси и филмска сценографија. Автор е на четириесетина книги со стрипови. Добитник е на бројни награди од областа на цртежот и стрип-уметноста.
