Владимир Плавевски (Скопје, 11 декември 1948) е македонски писател и аматерски фотограф. Со аматерска фотографија почнал да се занимава од својата рана младешка возраст, а со интензивно изложување фотографии на бројни групни изложби дејствува во периодот од 1973 до 1990 година. Во седумдесеттите години на минатиот век, Плавевски бил член, а потоа и претседател на Фото клубот “Вардар” од Скопје (1978 – 1990) како и претседател на Фото сојузот на Македонија (1982 – 1986). Член е на ДЛУПУМ од 1983 година. Бил предавач по предметот „Фотографија“ на Факултетот за драмска уметност во учебната 1993/94 година. Учествувал на голем број групни изложби во земјава и во странство. Добитник на голем број награди и признанија.
Во овој број, екипата на „Репер“ ви претставува избор од неговите театарски фотографии.
